بلخ؛ مرکز مزار شریف ښار کې د ۶۰ ورزشکارانو ترمنځ د فټنس او بدن ښکلا سیالۍ وشوې
د بلخ ولایت د بدني روزنې او ورزش ریاست اړوند د فټنس او بدن ښکلا ملي فدراسیون د استازولۍ له لوري د یاد ولایت په تالار م.جا.هد جمنازیوم کې د ۶۰ ورزشکارانو ترمنځ د فټنس او بدن ښکلا سیالۍ وشوې.
په دغو سیالیو کې ورزشکارانو په دوو فټنس او بدن ښکلا برخو کې ګډون کړی وو، چې ۲۴ تنه د بدن ښکلا او ۱۹ تنه د فټنس منتخبو لوبډلو ته وټاکل شول.
د یادو سیالیو موخه د بلخ ولایت د فټنس او بدن ښکلا منتخبو لوبډلو ته د غوره ورزشکارانو موندل و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره ورزشکارانو ته مډالونه، ستاینلیکونه او د اتلولۍ حکمونه ورکړل شول.
