بلخ کې د ۸۰ ورزشکارانو ترمنځ د کانګفو اتلسم پړاو سیالۍ ترسره شوې
د بلخ ولایت د بدني روزنې او ورزش امریت اړوند د کانګفو فدراسیون د استازولۍ له لوري په یاد ولایت کې د ګل سرخ جام په نوم د اتو ولایتونو د ۸۰ ورزشکارانو ترمنځ د کانګفو اتلسم پړاو سیالۍ ترسره شوې.
دغو سیالیو چې یوه ورځ یې دوام وکړ په پایله کې د بلخ ولایت ورزشکارانو د ۲۱ سرو زرو مډالونو په ترلاسه کولو لومړی، سمنګان ولایت ورزشکارانو دویم او د تخار ولایت ورزشکارانو درېیم مقام ترلاسه کړ.
د یادو سیالیو موخه د بلخ او نېږدې ولایتونو ورزشکارانو ترمنځ د اتلسم پړاو کانګفو سیالیو نماځل و.
