تخار؛ تالقان ښارکې د ۱۳ لوبډلو ترمنځ د والیبال ټاکنېزې سیالۍ پای ته ورسېدې
د تخار ولایت له مرکز او له بېلا بېلو ولسوالیو د ۱۳ لوبډلو ترمنځ د والیبال ټاکنېزې سیالۍ، چې دوې ورځې وړاندې د تالقان ښار په ورزشي جمنازیوم کې پیل شوې وې د معارف لوبډلې په اتلولۍ پای ته ورسېدې.
په پایله کې د معارف لوبډلې لومړی مقام، د فرخار لوبډلې دویم مقام او د ازادۍ لوبډلې درېیم مقام ترلاسه کړ.
د دې سیالیو د ترسره کېدو موخه د تخارولایت منتخبې لوبډلې ته د غوره لوبغاړو پېژندل وو.
