ننګرهار؛ خوګياڼو ولسوالۍ کې د اتو لوبډلو ترمنځ د والیبال سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د والیبال فدراسیون د استازولۍ له لوري د ياد ولايت په خوګیانو ولسوالۍ کې د اتو لوبډلو ترمنځ د والیبال سیالۍ د سرې کلا افتخار لوبډلې په اتلولي پای ته ورسېدې.
د دغو سیالیو په پایلوبه کې سرې کلا افتخار لوبډلې د ٢/٠ میدانونو په توپیر خپلې سیالې کالیخیلو خانانو لوبډلې ته ماتې ورکړه او اتلولي یې وګټله.
دا سیالۍ د ورزشکارانو د هڅونې او د سیمې د خلکو لپاره د سالمې تفریح برابرولو په موخه ترسره شوې، چې یوه اوونۍ یې دوام وکړ.
