تخار؛ رستاق ولسوالۍکې د ماشومانو فوټبال لومړی پړاو سیالۍ پیل شوې
د تخار ولایت د بدني روزنې او ورزش امریت اړوند د فوټبال فدراسیون د استازولۍ له لوري د ۱۶ لوبډلو ترمنځ د ماشومانو فوټبال لومړی پړاو سیالۍ د یاد ولایت په رستاق ولسوالۍ کې پیل شوې.
دغه سیالۍ چې په دوه ګروپونو (الف او ب) کې ترسره کېږي لومړۍ لوبه د نوجوانان عقابان او نوجوانان الماس لوبډلو ترمنځ ترسره شوه، چې په پایله کې د عقابان لوبډلې وکولای شول خپلې سیالې لوبډلې ته د ۴/۲ ګولونو په توپیر ماتې ورکړي او سیالي په خپل نوم کړي.
د دې سیالیو د ترسره کېدو موخه د ځوانانو ترمنځ د ورزش رواجول او وده ورکول دي.
