تخار کې د اتو لوبډلو ترمنځ د والیبال سیالۍ د کوکچه لوبډلې په اتلولۍ پای ته ورسېدې
د تخار ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په دشت قلعه ولسوالۍ کې د اتو لوبډلو ترمنځ د والیبال سیالۍ، چې څو ورځې مخکې پيل شوې وې د کوکچه لوبډلې په اتلولۍ پای ته ورسېدې.
د دغو سیالیو په پایلوبه کې کوکچه لوبډلې خپلې سیالې امو لوبډلې ته د ۳/۲ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول و؛ د سیالیو په پای کې غوره لوبغاړو ته چمتو شوې ډالۍ ورکړل شوې.
