تخار کې د نهو لوبډلو ترمنځ د والیبال پسرلنۍ سیالۍ د معارف لوبډلې په اتلولي پای ته ورسېدې
د تخار ولایت د بدني روزنې او ورزش آمریت په مرسته د یاد ولایت په فرخار ولسوالۍ کې د نهو لوبډلو ترمنځ د والیبال پسرلنۍ سیالۍ د معارف لوبډلې په اتلولي پای ته ورسېدې.
د یادو سیالیو پایلوبه د مرکز او معارف لوبډلو ترمنځ ترسره شوه چې په پایله کې د معارف لوبډلې د ۰/۳ ګولونو په توپیر سیالې لوبډلې ته ماتې ورکړه او اتلولي یې په خپل نوم کړه.
د دغو سیالیو د ترسره کېدو موخه د ورزشکارانو ترمنځ د یووالي رامنځته کول ښودل شوي دي. په پای کې د سیالیو د مسؤولانو له لوري اتلې لوبډلې ته ډالۍ ورکړل شوې.
