جوزجان؛ خواجه دوکوه ولسوالۍ کې د فوټبال ورزشي لوبغالی پرانیستل شو
د جوزجان ولایت د بدني روزنې او ورزش امریت اړوند د فوټبال فدراسیون د استازولۍ له لوري او د یو سوداګر په مرسته خواجه دوکوه ولسوالۍ کې د خواجه دوکوه ځوانانو فوټسال په نوم د ۴۰ زره امریکایي ډالرو په ارزښت د فوټبال لوبغالی پرانیستل شو.
د دغې ورزشي لوبغالي پرانیستې لومړۍ لوبه کې باتورکلپ لوبډلې لومړۍ لوبه کې خپلې سیالې جوانان همبستګي لوبډلې ته د ۳/۰ امتیازونو په توپیر ماتې ورکړه او اتلولي یې خپله کړه.
د یادو سیالیو موخه فوټبال ورزش ته د ځوانانو هڅوول او له نشه یي توکو د ځوانانو لرېوالی دی.
د سیالۍ په پای کې د جوزجان ولایت ورزشي امریت له لوري د یاد لوبغالي مسوولین وستایل شوه.
