جوزجان کې د فوټسال يووالي جام سيالۍ د صداقت نظري لوبډلې په اتلولۍ پای ته ورسېدې
د جوزجان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په اقچه ولسوالۍ کې د يووالي جام په نوم د اتو لوبډلو ترمنځ د فوټسال سيالۍ، چې څو ورځې مخکې پیل شوې وې د صداقت نظري لوبډلې په اتلولۍ پای ته ورسېدې.
د دغو سياليو په پايلوبه کې صداقت نظري لوبډلې خپلې سیالې شاهين سېلاب لوبډلې ته د ۶/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د ځوانانو ترمنځ د فوټسال لوبو ته وده ورکول و، د سياليو په پای کې غوره لوبډلې ته يوه عراده موټرسايکل او غوره لوبغاړو ته چمتو شوې ډالۍ ورکړل شوې.
