خوست؛ په تريزيو عليشيرو ولسوالۍ کې د ۵۰ لوبډلو ترمنځ د ټېپ بال کرېکټ سیالۍ پیل شوې
د خوست ولايت د بدني روزنې او ورزش امريت له لوري د ياد ولايت په تريزيو عليشيرو ولسوالۍ کې د ۵۰ لوبډلو ترمنځ ټېپ بال کرېکټ سيالۍ پيل شوې.
د دغو سياليو لومړۍ لوبه د تريزيو اولې لوبډلې او تورو اوبو اولې لوبډلې ترمنځ ترسره شوه، چې تريزيو اولې لوبډلې د لوبې پچې په ګټلو سره په ټاکلو اتو اورونو کې د شپږو لوبغاړو په سوځېدو سره سيالې لوبډلې ته د ۱۰۶ منډو هدف وټاکه.
په مقابل کې تورو اوبو لوبډلې د درېيو لوبغاړو په سوځېدو سره د اتم اور په وروستي بال ياد هدف پوره کړ او د اوو ويکټو په توپير يې بريا خپله کړه.
د يادو سياليو موخه په يادې سيمې کې ورزش ته وده ورکول دي، چې دوې مياشتې به دوام ورکړي.
