خوست؛ په صبريو ولسوالۍ کې د ټيپ بال کرکټ سيالۍ پيل شوې
د خوست ولايت صبريو ولسوالۍ په اتحاد کلي کې د همدې کلي د ځوانانو له لوري د ۵۰ لوبډلو ترمنځ د ټېپ بال کرکټ سيالۍ پيل شوې.
دغه سيالۍ، چې يوه نيمه مياشت به دوام وکړي،د پيل لوبه يې د خپلواک زلمي او ابوخېلو سټار لوبډلو ترمنځ ترسره شوه، لومړی توپوهنه خپلواک زلمي لوبډلې ترسره کړه او په ټاکلو اتو اورونو کې يې سيالې لوبډلې ته ۱۰۷ منډې هدف کېښود.
د لوبې په دويمه پاڼۍ کې ابوخېل سټارز لوبډله د ياد هدف په پوره کولو کې پاتې راغله او په ۲۹ منډو يې ماتې ومنله.
هېره دې نه وي چې د دغو سياليو موخه د ځوانانو ترمنځ يووالی او له نشه يي موادو سره مبارزه ياده شوې ده.
