خوست؛ په يعقوبيو ولسوالۍ کې د ۵۵ لوبډلو ترمنځ د ټېپ بال کرکټ سيالۍ پای ته ورسېدې
د خوست ولايت د بدني روزنې او ورزش امريت له لوري د يعقوبيو صبريو ولسوالۍ په خالبساط بازار کې د ۵۵ لوبډلو ترمنځ د ټېپ بال کرکټ سيالۍ د نيازيو لوبډلې په اتلولۍ پای ته ورسېدې.
د دغو سياليو پايلوبې ته د نيازيو او يعقوبيو سپين غر لوبډلو لار موندلې وه چې لومړی توپوهنه نيازيو لوبډلې وکړه او په ټاکلو نهو اورونو کې يې د شپږو لوبغاړو په زيان سيالې لوبډلې ته ۱۵۵ منډې هدف کېښود، بل لوري ته سپين غر لوبډله د ياد هدف په پوره کولو ونه توانېده او په ۳۴ منډو يې ماتې وخوړه.
د يادونې وړ ده چې په پای کې غوره لوبډلو او لوبغاړو ته کپونه، مډالونه او چمتو شوې ډالۍ ورکړل شوې.
