خوست کې د شپږو ولایتونو ترمنځ رزمي سیالۍ ترسره شوې
د خوست ولایت د بدني روزنې او ورزش آمریت له لوري د یاد ولایت مرکز اړوند شیخ زاید ورزشي جمنازیوم کې له شپږو ولایتونو د ٥٢ ورزشکارانو ترمنځ د رزمي ورزشونو سیلف ډفېنس سبک سیالۍ ترسره شوې.
دغو سیالیو کې له خوست، کابل، پکتیا، ارزګان، غزني او لوګر ولایتونو څخه ٥٢ ورزشکارانو ګډون کړی و، چې په پایله کې یې خوست په ١١ بریاوو سره لومړی، کابل په ٩ بریاوو سره دویم او پکتیا بیا په پنځو بریاوو سره درېیم مقام خپل کړ.
