خوست کې د ۲۴۷ زره افغانیو په لګښت د والیبال لوبغالی جوړ شو
د خوست ولایت مرکز متون ښار په مامورانو کلي کې د UNHCR مؤسسې په مالي لګښت او د WSTA مؤسسې په تخنیکي مرسته د ۲۴۷ زره افغانیو په لګښت د والیبال میدان جوړ او د لوبو کولو لپاره چمتو شو.
د والیبال د دغه لوبغالي جوړولو په چارو کې د میدان هوارول، د احاطوي دېوال جوړول او د ۲۰۰۰ نندارچیانو لپاره د ناستې ځای جوړول شامل و، چې ۲۰۰زره افغانۍ د UNHCR مؤسسې او پاتې ۴۷زره افغانۍ بیا د سیمې د ځوانانو لخوا ورکړل شوې.
د یادونې وړ ده، چې د یاد لوبغالۍ د پرانیستې په موخه د لسو لوبډلو ترمنځ د والیبال سیالۍ هم پیل شوې، چې لس ورځې به دوام وکړي.
