دايکندي؛ د بغل کندو لوبډلې د اشترلي ولسوالۍ د واليبال سياليو اتلولي وګټله
د دایکندي ولایت د بدني روزنې او سپورت امریت له لوري د اشترلي ولسوالۍ په شیخمیران بازار کې د (یووالي او همپالنې) جام په نوم د اتو لوبډلو ترمنځ د والیبال سیالۍ، چې شاوخوا یوه اوونۍ وړاندې پیل شوې وې، د بغل کندو لوبډلې په اتلولۍ پای ته ورسیدې.
د سیالیو پای لوبه د بازان شیخمیران او بغل کندو لوبډلو ترمنځ ترسره شوه، چې په پایله کې د ۰/۳ میدانونو په توپير د بغل کندو لوبډلې په ګټه پای ته ورسېده.
د سیالیو په پای کې لومړي او دویم مقام ګټونکو لوبډلو ته کپونه، مډالونه او ورزشي توکي ورکړل شول.
