دايکندي؛ مرکز کې د ١٢ لوبډلو ترمنځ د فوټسال سيالۍ پاى ته ورسېدې
د دايکندي ولايت د بدني روزنې او ورزش امريت په مرسته او تخنيکي انسټيټيوټ له لوري د ياد ولايت مرکز په ناصر خسرو ورزشي جمنازيوم کې د ١٢ لوبډلو ترمنځ د نېکمرغه لوى اختر د نمانځلو په موخه د فوټسال سيالۍ پاى ته ورسېدې.
د دغو سياليو په پايلوبه کې د برق د تامين څوارلسمې لوبډلې خپلې سيالې د برق د تامين دېارلسمې لوبډلې ته د ٩/٥ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال ورزش ته وده ورکول، تحصيلي ځايونو کې فوټسال دودول او د لوى اختر نمانځل و.
