دایکندي؛ اشترلي ولسوالۍ کې د اتلتیک سیالۍ ترسره شوې
د دايکندي ولایت د بدني روزنې او ورزش آمریت اړوند د اتلتیک فدراسیون د استازولي له لوري د ياد ولايت په اشترلي ولسوالۍ کې د ٣٠ ورزش کارانو ترمنځ د اتلتیک سیالۍ ترسره شوې.
يادې سیالۍ د ځوانانو او نویو ځوانانو په عمري کټګوري کې ترسره شوې او ٤٠٠ متره منډه يې ترسره کړه.
د یادو سیالیو په پایله کې د ځوانانو کټګوري کې هادي لومړی، حنیف دویم او ياسين درېیم مقام ترلاسه کړ او د نویو ځوانانو په کټګوري کې بیا آرش لومړی، محسن دویم او صادق درېیم مقام ترلاسه کړ.
د سياليو په پای کې غوره لوبغاړو ته ټاکل شوې ډالۍ ورکړل شوې.
