دایکندي؛ اشترلي ولسوالۍ کې د فوټسال سيالۍ د معارف قوچنقي لوبډلې په اتلولۍ پای ته ورسېدې
د دايکندي ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په اشترلي ولسوالۍ کې د اتو لوبډلو ترمنځ د فوټسال سيالۍ د معارف قوچنقي لوبډلې په اتلولۍ پای ته ورسېدې.
د دغو سياليو په پايلوبه کې معارف قوچنقي لوبډلې خپلې سیالې اتحاد تګاب لوبډلې ته د ۴/۳ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال لوبو ته وده ورکول او د ځوانانو ترمنځ يووالی رامنځته کول و، چې يوه اونۍ يې دوام وکړ.
د سياليو په پای کې غوره لوبډلې او لوبغاړو ته ورزشي ډالۍ ورکړل شوې.
