دایکندي؛ اشترلي ولسوالۍ کې د ۱۰ لوبډلو ترمنځ د فوټبال سیالۍ پيل شوې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت د اشترلي ولسوالۍ په کورګه سیمه کې د ۱۰ لوبډلو ترمنځ د خزاني جام په نوم د فوټبال سیالۍ پيل شوې.
د دغو سیالیو په لومړۍ لوبه کې د توپان تګاب لوبډلې خپلې سیالې سري کورګه ځوانانو لوبډلې ته د ۵/۴ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټبال ورزش ته د ځوانانو هڅوول دي، چې یوه اوونۍ به دوام وکړي.
