دایکندي؛ خدیر ولسوالۍ کې د اتو لوبډلو ترمنځ د فوټبال سیالۍ د الماسان لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت په مرسته او د پشني ذکور لېسې د معلمانو له لوري د یاد ولایت په خدیر ولسولۍ کې د معارف همدلي جام په نوم د اتو لوبډلو ترمنځ د فوټبال سیالۍ د الماسان لوبډلې په اتلولۍ پای ته ورسېدې.
د دغو سیالیو په لومړۍ لوبه کې د الماسان لوبډلې خپلې سیالې امید لوبډلې ته د ۵/ ۱ ګولونو په توپير ماتې ورکړه او اتلولي یې خپله کړه.
د یادو سیالیو موخه د ورزشکارانو ترمنځ یووالی رامنځته کول او د فوټبال ورزش ته وده ورکول و، چې درې اوونۍ یې دوام وکړ.
د سیالیو په پای کې غوره لوبډلې ته چمتو شوې ډالۍ ورکړل شوې.
