دایکندي؛ خدیر ولسوالۍ کې د ۲۰ ورزشکارانو ترمنځ د اتلتیک ځغاستې سیالۍ ترسره شوې
د دایکندي ولایت د بدني روزنې او ورزش امریت له لوري د یاد ولایت په خدیر ولسوالۍ کې د ۲۰ ورزشکارانو ترمنځ په ۸۰۰ متري واټن کې او د نوي ځوانانو په عمري کټګورۍ کې د اتلتیک ځغاستې سیالۍ ترسره شوې.
دغو سیالیو چې یوه ورځ یې دوام وکړ، په پایله کې له ۲۰ ورزشکارانو داوود لومړی مقام، دوست علي دویم مقام او حسن درېیم مقام ترلاسه کړ.
د یادو سیالیو موخه د ځغاستې ورزش وده او پراختیا ورکول، غوره لوبغاړو موندل او د ځوانانو هڅوول وو.
