دایکندي؛ میرامور ولسوالۍ کې د ۱۰ لوبډلو ترمنځ د والیبال سیالۍ د اسکان روغتون لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت له لوري په میرامور ولسوالۍ کې د ۱۰ لوبډلو ترمنځ د پسرلي جام په نوم د والیبال سیالۍ، چې دوې اوونۍ وړاندې پيل شوې وې د اسکان روغتون لوبډلې په اتلولۍ پای ته ورسېدې.
د دغو سیالیو په پایلوبه کې د اسکان روغتون لوبډلې خپلې سیالې ښاریانو لوبډلې ته د ۳/۰ امتیازونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او ملاتړ کول و.
د سیالیو په پای کې غوره لوبډلې ته کپ، مډالونه او ورزشي لباسونه ورکړل شوه.
