د افغانستان د بدن ښکلا ملي لوبډلې د سوېلي آسیا په څوارلسم پړاو سیالیو کې درېیم مقام ترلاسه کړ
د سوېلي آسیا بدن ښکلا څوارلسم پړاو سیالۍ، چې څلور ورځې مخکې د سوېلي آسیا د اووه هېوادونو ۱۷۱ ورزشکارانو ترمنځ پیل شوې وې، د افغانستان د بدن ښکلا ملي لوبډلې د ۳۷۰ نمرو په ترلاسه کولو سره پکې درېیم مقام خپل کړ.
په دغو سیالیو کې له افغانستان څخه ۱۱ تنو ورزشکارانو ګډون کړی و، چې د غوره کړنو په پایله کې یې درې د سرو زرو، پنځو د سپینو زرو او درې د برنزو مډالونو په ترلاسه کولو سره درېیم مقام ترلاسه کړ.
دا په داسې حال کې ده، چې په دې سیالیو کې هندوستان تر ټولو زیاتو نمرو په ترلاسه کولو سره لومړی او مالدیف هېواد بیا دویم مقام خپل کړ.
