د افغانستان ساحلي فوټبال ملي لوبډله له جاپان سره سیالي کوي

د افغانستان ساحلي فوټبال ملي لوبډله، له ۲۰۲۵ساحلي فوټبال اسیا جام سیالیو وړاندې نن( شنبه) د جاپان ساحلي فوټبال ملي لوبډلې پر وړاندې د سیالۍ ډګر ته ښکته کېږي.

دغه دوستانه سیالي به د کابل پر مهال ماسپښین ۳:۳۰ بجې د ټایلنډ هېواد په کوربه‌توب ترسره شي.

د یادونې وړ ده، چې افغانستان له دې وړاندې خپله لومړۍ دوستانه سیالۍ له سعودي عربستان څخه د ۳ – ۲ په پایلې سره وګټله.

د ۲۰۲۵ اسیا جام سیالۍ به د روان میلادي کال مارچ میاشتې پر شلمه نېټه پیل شي، چې افغان ملي لوبډله به په C ګروپ کې د ایران، متحده عربي اماراتو او اندونیزیا هېوادونو له لوبډلو سره سیالي وکړي.