د بامیان مرکز کې د فوټسال خزاني جام سيالۍ پای ته ورسېدې
د باميان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز کې د ۱۲ لوبډلو ترمنځ د فوټسال خزاني جام سيالۍ، چې دوې اوونۍ مخکې پیل شوې وې د شه..يد غلام حسين لوبډلې په اتلولۍ پای ته ورسېدې.
د دغو سياليو په پايلوبه کې شه..يد غلام حسين لوبډلې خپلې سیالې شه..يدان لوبډلې ته د ۴/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د ځوانانو ترمنځ د خزاني فصل نمانځل او د لوبغاړو ترمنځ يووالی رامنځته کول و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
