د بامیان مرکز کې د ۱۱ لوبډلو ترمنځ د فوټبال الف لیګ سیالۍ پيل شوې
د بامیان ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په مرکز کې له مرکز او ولسوالیو څخه د ۱۱ لوبډلو ترمنځ د فوټبال الف لیګ سیالۍ پیل شوې، چې دوې اوونۍ به دوام وکړي.
د دغو سیالیو په لومړۍ لوبه کې اتحاد جوانان لوبډلې خپلې سیالې شاهین سرخدر لوبډلې ته د ۶/۰ امتیازونو په توپير ماتې ورکړه او لومړۍ بریا یې خپله کړه.
