د فوټبال د ۱۶ کلنو ملي لوبډله د اسیا مرکزی زون په سیالیو کې د ګډون لپاره چمتووالی نیسي
د هېواد د ۱۶ کلنو کم عمره فوټبال ملي لوبډلې له تېرې یوې اونۍ راهیسې د فوټبال فدراسیون په لوبغالي کې خپل سخت تمرینات پیل کړي دي.
دا ټیم د هیواد له بیلابیلو برخو څخه له ځوانانو او تنکيو ځوانانو څخه جو شوی دی جی هره ورځ د استاد حمیدالله مسعود تر لارښوونې لاندې خپل چمتوالي نیسی او په دې لوبو کې د بریا لپاره خوشبین دي.
د هېواد د ۱۶ کلنو لوبډلې روزونکي ښاغلي مسعود هم د خپلو لوبغاړو د روزنې له بهیر او د تخنیکي او لوژستیکي اسانتیاوو له برابرولو څخه خوښي څرګنده کړه.
د مرکزي اسيا د ۱۶ کلنو ځوانانو سيالۍ د روان کال د مې له ۱۰مې نېټې څخه تر ۲۰مې نېټې پورې د افغانستان، تاجکستان، ايران او ازبکستان د ټيمونو په ګډون د تاجکستان په پلازمېنه دوشنبه کې ترسره کېږي.
