د هاکي ملي لوبډلې روزنیز او تمریناتي کمپ پیل شو
د بدني روزنې او سپورټ عمومي ریاست په ۲۵۰۰ کسیز جمنازیوم کې د افغان هاکي ملي لوبډلې د ۲۴ تنو لوبغاړو لپاره اووه ورځنی تمریناتي او روزنیر کمپ پیل شو.
یاد تمریناتي کمپ د ۲۰۲۴ کال هاکي فایف لوبو کوالیفای سیاليو لپاره، چې د اګست له ۲۵مې څخه به د سپټمبر تر ۳مې پورې په عمان هیواد کې ترسره شي، پیل شو.
د دغه تمریناتي کمپ په پای کې به د هاکی فدراسیون د فني کمیټې له خوا د یوه روزونکي په ګډون ۱۰ کسیزه ملي لوبډله وټاکل شي، چې یاده لوبډله به د ۲۰۲۴ کال د هاکي فایف لوبو کوالیفای سیاليو کې د افغانستان په استازیتوب ګډون وکړي.
