د کندز په ورزشي لوبغالي کې د فوټبال يو ورځينۍ سيالۍ ترسره شوه
ياده سیالۍ د کندز ولايت د ورزش ریاست او فوټبال فدراسيون له خوا د ځوانانو فکری رغښت ،بدلون او یووالي په موخه د بغلان ولایت ستاره او د کندز ولایت عقابان لوبډلو ترمنځ وشوه.
د دغې سيالۍ په پايله کې د کندز عقابان لوبډلې د ٢-١ ګولونو په توپیر ستاره لوبډلې ته ماتې ورکړه.
په ياده سیالۍ کې ځوانانو او د فوټبال ګڼو مینوالو ګډون کړی وه.
په اخېر کې غوره لوبغاړو ته د سوداګرو له لوري نغدي جايزي هم ورکړل شوې.
