زابل؛ ارغنداب ولسوالۍ کې د ۱۲ لوبډلو ترمنځ د واليبال سيالۍ پيل شوې
د زابل ولايت د بدني روزنې او ورزش آمريت په مالي ملاتړ د واليبال فدراسيون د استازولۍ له لوري د ياد ولايت په ارغنداب ولسوالۍ کې د ۱۲ لوبډلو ترمنځ د واليبال سيالۍ پيل شوې.
د يادو سياليو په پيليزه لوبه کې نيک نام لوبډلې خپلې سيالې سايگز لوبډلې ته د ۳ پر صفر میدانونو په توپیر ماتې ورکړه او بريا يې په خپل نوم کړه.
دا سيالۍ د ځوانانو لپاره د سالمې تفريح برابرولو په موخه ترسره کېږي، چې شاوخوا درې اوونۍ به دوام وکړي.
