زابل؛ ارغنداب ولسوالۍ کې د ۲۴ لوبډلو ترمنځ د والیبال سیالۍ د نېکنام لوبډلې په اتلولي پای ته ورسېدې
د زابل ولایت د بدني روزنې او ورزش آمریت په همغږي او د ورزش کارانو په مالي مرسته د یاد ولایت په ارغنداب ولسوالۍ کې د کوچني اختر په مناسبت د ۲۴ لوبډلو ترمنځ د والیبال پیل شوې سیالۍ د نېکنام لوبډلې په اتلولي پای ته ورسېدې.
د یادو سیالیو پایلوبه د نېکنام او نرۍ لوبډلو ترمنځ ترسره شوه چې په پایله کې نېکنام لوبډلې د ۳-۰ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دغو سیالیو ۱۵ ورځې دوام وکړ او په پای کې د زابل ولایت د ورزشي آمریت له لوري ورزش کارانو ته ورزشي توکي، ستاینلیکونه، مډالونه او کپونه ورکړل شول.
