زابل؛ ارغنداب ولسوالۍ کې د ۶۰ پهلوانانو ترمنځ د سیمه ييزې غېږ نیونې سیالۍ ترسره شوې
د زابل ولایت د بدني روزنې او ورزش آمریت اړوند د ملي او دودیزو لوبو د مدیریت له لوري د یاد ولایت په ارغنداب ولسوالۍ کې ۶۰ پهلوانانو ترمنځ د سیمه ییزې غېږ نیونې سیالۍ ترسره شوې.
دغو سیالیو کې د ارغنداب او دایچوپان ولسوالیو پهلوانانو ګډون کړی و، چې په پای کې د ارغنداب ولسوالۍ پهلوانانو خپلو سیالانو ته ماتې ورکړه او اتلولي یې وګټله.
دا سیالۍ د پهلوانانو ترمنځ د یووالي په موخه ترسره شوې، چې دوې ورځې یې دوام وکړ.
