زابل؛ شاجوی ولسوالۍ کې د ٦٠ پهلوانانو ترمنځ د غېږ نیونې سیالۍ ترسره شوې
د زابل ولایت د بدني روزنې او ورزش آمریت اړوند د ملي او دودیزو لوبو د مدیریت له لوري د ياد ولايت په شاجوی ولسوالۍ کې د ٦٠ پهلوانانو ترمنځ د سیمه ییزې غېږ نیونې سیالۍ ترسره شوې.
په دغو سیالیو کې د شاجوی بازار، ابراهیم خېلو او شاه حسین خېلو لوبډلو ورزشکارانو ګډون کړی و، چې په پایله کې یې شاجوی بازار لوبډلې اتلولي خپله کړه.
دا سیالۍ ملي او دودیزو لوبو ته د ودې ورکولو په موخه ترسره شوې، چې یوه ورځ یې دوام وکړ.
