زابل؛ شاجوی ولسوالۍ کې د ۲۰ تنو ورزش کارانو ترمنځ د کیک بوکسینګ سیالۍ ترسره شوې
د زابل ولایت د بدني روزنې او ورزش آمریت اړوند د کیک بوکسینګ فدراسیون د استازولي له لوري د یاد ولایت په شاجوی ولسوالۍ کې د استاد احمد او استاد طلا محمد کلپونو د ۲۰ تنو ورزش کارانو ترمنځ د ځوانانو او نویو ځوانانو په عمري کتګوریو کې د کیک بوکسینګ سیالۍ ترسره شوې چې یوه ورځ یې دوام وکړ.
د سیالیو په پای کې د استاد احمد کلپ لومړی مقام خپل کړ او په پای کې د سیالۍ غوره لوبغاړو ته ستاینلیکونه او مډالونه ورکړل شول.
د یادو سیالیو موخه د کیک بوکسینګ ورزش ته د ځوانانو هڅول یاد شوي دي.
