زابل؛ په شاجوی ولسوالۍ کې د ۲۰ ورزشکارانو ترمنځ د جمناسټیک سیالۍ وشوې
د زابل ولایت د بدني روزنې او ورزش امريت اړوند د جمناستیک ملي فدراسيون د استازولۍ له لوري د ياد ولايت په شاجوی ولسوالۍ کې د دوو کلبونو د ۲۰ ورزشکارانو ترمنځ د جمناسټیک سيالۍ وشوې.
د غه سيالۍ د استاد روزي محمد او استاد سمیع الله دکلبونو ورزشکارانو ترمنځ ترسره شوې، چې په پايله کې د استاد روزي محمد د کلب ورزشکارانو بريا خپله کړه.
د يادو سياليو موخه ورزش ته د ځوانانو هڅول وو، چې يوه ورځ يې دوام وکړ او په پای کې غوره ورزشکارانو ته ستاينليکونه ورکړل شول.
