زابل؛ په شاه جوی ولسوالۍ کې د ۲۲ لوبډلو ترمنځ د ټېپ بال کرکټ اختریزې سیالۍ پای ته ورسېدې
د زابل ولایت د شاه جوی ولسوالۍ په چینو سیمه کې د ۲۲لوبډلو ترمنځ د ټېپ بال کرکټ اختریزې سیالۍ، چې ۱۵ ورځې وړاندې پیل شوې، د افغان اتلانو لوبډلې په اتلولۍ پای ته ورسېدې.
دغه اختریزې سیالۍ، چې پایلوبې ته یې افغان اتلانو او چینې لوبډلو لار موندلې وه، پچه افغان اتلانو لوبډلې وګټله او لومړی یې د توپوهنې پرېکړه وکړه، چې په پایله کې یې په ټاکلو ۱۲ اورونو کې د پنځو لوبغاړو په سوځېدو ۱۳۴ منډې خپلې سیالې لوبډلې ته هدف کېښود.
بل لوري ته چینې لوبډلې د ټولو لوبغاړو په سوځېدو سره ۱۰۴ منډې جوړې کړې او سیالې لوبډلې ته یې په ۳۰ منډو سیالي وبایله او افغان اتلانو لوبډلې د یاې سیالۍ اتلولي خپله کړه.
