زابل؛ په شينکۍ ولسوالۍ کې د ۸۰ پهلوانانو ترمنځ د سیمه ییزې غېږ نيونې سيالۍ ترسره شوه
د زابل ولايت د بدني روزنې او سپورټ امريت له لوري د ياد ولايت په شينکۍ ولسوالۍ کې د دوو لوبډلو ۸۰ پهلوانانو ترمنځ عامو وگړو ته د سالمې تفريح برابرولو په موخه د سيمه ييزې غېږ نيونې سيالۍ ترسره شوه.
دغه سیالۍ د لوړې او ښکتې شينکۍ لوبډلو ورزشکارانو ترمنځ ترسره شوه، چې په پايله کې لوړې شينکۍ ورزشکارانو په بريا پای ته ورسېده.
د يادونې وړ ده، چې په پای کې د ياد ولايت د ورزش امريت له لوري غوره ورزشکارانو ته ستاينليکونه ورکړل شول.
