زابل؛ په قلات ښار کې د ۲۵ ورزشکارانو ترمنځ د بايسکل ځغلونې سيالۍ ترسره شوې
د زابل ولايت د بدني روزنې او ورزش آمريت اړوند د بايسکل ځغلونې فدراسيون د استازولۍ له لوري د مرکز قلات ښار په سحراني سيمه کې د ۲۵ ورزشکارانو ترمنځ په ۱۸ کليو متري واټن کې د بايسکل ځغلونې سيالۍ ترسره شوې.
دغه سیالۍ چې د نويو ځوانانو په عمري کټگوري کې ترسره شوې، په پايله کې صفت الله لومړی، صبغت الله دويم او رحمت الله بيا درېيم مقام ترلاسه کړ.
د يادو سياليو د ترسره کېدو موخه د بايسکل ځغلونې لوبې ته وده ورکول و، چې يوه ورځ يې دوام وکړ.
