زابل؛ په مرکز قلات ښار کې د اوو کلبونو ترمنځ د کيک بوکسينگ دوستانه سيالۍ ترسره شوې
د زابل ولايت د بدني روزنې او سپورټ امريت اړوند د کيک بوکسينگ فدراسيون د استازولۍ له لوري د ياد ولايت په مرکز قلات ښار کې د اوو کلبونو د ۷۰ ورزشکارانو ترمنځ په څلورو عمري کټگوريو کې د ارواښاد استاد عبدالرقيب عظیمي په نوم د کيک بوکسينگ دوستانه سيالۍ ترسره شوې.
دغه سیالۍ، چې درې ورځې يې دوام وکړ، په پايله کې استاد مسرور کلب لومړی، استاد يارمل کلب دويم او استاد مردان کلب بيا درېيم مقام ترلاسه کړ.
د دغو سياليو د ترسره کېدو موخه د ورزشکارانو او کلبونو ترمنځ يووالی رامنځته کول وو، چې په پای کې غوره ورزشکارانو ته کپونه، مډالونه او ستاينليکونه ورکړل شول.
