سرپل؛ سوزمه قلعه ولسوالۍ کې د ۱۸ لوبډلو ترمنځ د فوټسال سيالۍ پای ته ورسېدې
د سرپل ولایت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په سوزمه قلعه ولسوالۍ کې د پسرلني او يووالي جام په نوم د ۱۸ لوبډلو ترمنځ د فوټسال سيالۍ پای ته ورسېدې.
د دغو سياليو په پايلوبه کې خورشید خانقاه لوبډلې خپلې سیالې ازبک اف سي لوبډلې ته د ۵/۲ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال لوبو ته وده ورکول و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
