سمنگان؛ حضرت سلطان ولسوالۍ کې د ۱۰ لوبډلو ترمنځ د فوټبال سيالۍ پای ته ورسېدې
د سمنګان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په حضرت سلطان ولسوالۍ کې د ۱۰ لوبډلو ترمنځ د فوټبال سيالۍ پای ته ورسېدې.
د دغو سياليو په پايلوبه کې حضرت سلطان ښاروالۍ لوبډلې خپلې سیالې د حضرت سلطان معارف لوبډلې ته په پنالټيو کې ماتې ورکړه او اتلولي يې خپله کړه.
د يادو سياليو موخه د فوټبال لوبو ته وده ورکول او د ځوانانو هڅول و، چې يوه مياشت يې دوام وکړ.
