سمنگان؛ دره صوف ولسوالۍ کې د ۱۰ لوبډلو ترمنځ د والیبال سیالۍ وشوې
د سمنګان ولایت د بدني روزنې او ورزش امریت له لوري د یاد ولایت په دره صوف ولسوالۍ کې د عنایت الله حقیار د واده په ویاړ د ۱۰ لوبډلو ترمنځ د والیبال سیالۍ وشوې، چې یوه ورځ یې دوام وکړ.
د دغو سیالیو په پایلوبه کې د ریحان لوبډلې خپلې سیالې اتفاق لوبډلې ته د ۳/۲ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او د ځوانانو هڅوول و.
