سمنگان کې د اتو لوبډلو ترمنځ د فوټبال سیالۍ د قدیم ښار لوبډلې په اتلولۍ پای ته ورسېدې
د سمنګان ولایت د بدني روزنې او ورزش امریت اړوند د فوټبال فدراسیون د استازولۍ له لوري په یاد ولایت کې د یووالي جام په نوم د اتو لوبډلو ترمنځ د فوټبال سیالۍ، چې یوه میاشت وړاندې پيل شوې وې د قدیم ښار لوبډلې په اتلولۍ پای ته ورسېدې.
د دغو سیالیو په پایلوبه کې د قدیم ښار لوبډلې خپلې سیالې المدینه سپورټ لوبډلې ته د ۱/۰ امتیازونو په توپير ماتې ورکړه او اتلولي یې خپله کړه.
د یادو سیالیو موخه د ورزشکارانو ترمنځ یووالی رامنځته کول و.
د سیالیو په پای کې غوره لوبغاړو ته چمتو شوې ډالۍ ورکړل شوې.
