سمنگان کې د ۱۶ لوبډلو ترمنځ د والیبال سیالۍ د قندهاریانو لوبډلې په اتلولۍ پای ته ورسېدې
د سمنګان ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت له بېلا بېلو ولسوالیو د ۱۶ لوبډلو ترمنځ د والیبال پسرلنۍ سیالۍ، چې یوه میاشت وړاندې پيل شوې وې د قندهاریانو لوبډلې په اتلولۍ پای ته ورسېدې.
د دغو سیالیو په پایلوبه کې د قندهاریانو لوبډلې خپلې سیالې سرکنده لوبډلې ته د ۳/۱ میدانونو په توپير ماتې ورکړه او اتلولي یې خپله کړه.
د یادو سیالیو موخه والیبال ورزش ته وده ورکول او د ځوانانو ترمنځ یووالی رامنځته کول و.
