غور؛ بالامرغاب ولسوالۍ کې د ۱۰ لوبډلو ترمنځ د فوټبال لومړی پړاو لیګ پيل شو
د غور ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په بالامرغاب ولسوالۍ کې د ۱۰ لوبډلو ترمنځ د فوټبال لومړی پړاو لیګ پيل شو.
د دغو سیالیو په لومړۍ لوبه کې شاهین خلیرق لوبډلې خپلې سیالې پغمان دره تخت لوبډلې ته د ۲/۰ ګولونو په توپیر ماتې ورکړه او لومړۍ بریا خپله کړه.
د یادو سیالیو موخه د فوټبال ورزش ته وده ورکول او د ځوانانو ترمنځ یووالی رامنځته کول دي، چې لس ورځې به دوام وکړي.
