غور؛ تولک ولسوالۍ کې د نهو لوبډلو ترمنځ د واليبال ګروپي سيالۍ پيل شوې
د غور ولايت د بدني روزنې او ورزش امريت له لوري د ياد ولايت په تولک ولسوالۍ کې د نېکمرغه لوى اختر د نمانځلو په موخه د نهو لوبډلو ترمنځ د واليبال ګروپي سيالۍ پيل شوې.
د دغو سياليو په لومړۍ لوبه کې د فولاد لوبډلې خپلې سيالې سبز نويد لوبډلې ته د ٣/١ ميدانونو په توپير او په دويمه لوبه کې سادات لوبډلې خپلې سيالې کبوتر خان لوبډلې ته د ٣/٠ ميدانونو په توپير ماتې ورکړه او برياوې يې خپلې کړې.
هېره دې نه وي دغه سيالۍ به يوه هفته دوام وکړي او موخه يې واليبال ورزش ته وده ورکول او د ياد ولايت منتخبې لوبډلې ته د غوره لوبغاړو موندل دي.
