غور؛ شهرک ولسوالۍ کې د ۴۸ ورزشکارانو ترمنځ د رستمي غېږنيونې سيالۍ وشوې
د غور ولايت د بدني روزنې او ورزش امريت اړوند د کورش فدراسيون د استازولۍ له لوري د ياد ولايت په شهرک ولسوالۍ کې د ۴۸ ورزشکارانو ترمنځ د رستمي غېږنيونې سيالۍ وشوې.
په دغو سياليو کې د هرات اوبه ولسوالۍ او د غور شهرک ولسوالۍ ورزشکارانو ګډون کړی وو، چې په پايله کې شهرک ولسوالۍ د ۱۶ امتيازونو په ترلاسه کولو سره اتلولي خپله کړه.
د يادو سياليو موخه دوديزو لوبو ته وده ورکول او د ولسواليو ترمنځ ټولنيزې اړيکې رامنځته کول و، چې يوه ورځ يې دوام وکړ.
