غور؛ په دولتیار ولسوالۍ کې د والیبال سیالۍ پای ته ورسېدې
د غور ولایت د بدني روزنې او ورزش امریت په همغږۍ او د دې ولایت د والیبال فدراسیون د استازولۍ په همکارۍ د ۱۲ لوبډلو ترمنځ د والیبال سیالۍ، چې ۲۵ ورځې مخکې د دې ولایت په دولتیار ولسوالۍ کې پیل شوې وې د جوانان وطن لوبډلې په اتلولۍ پای ته ورسېدې.
په دغو سیالیو کې د غورځنگ، جوانان وطن، اتحاد جوانان، عدالت، سناتور احمدخان، عقابان دره کشرو، امید خراسان، امید، تیل جلال، کوهستان سمک، ببر او آتش لوبډلو برخه اخیستې وه.
د دې سیالیو پای لوبه د جوانان وطن او عدالت لوبډلو ترمنځ ترسره شوه، چې جوانان وطن لوبډلې وکولای شول ۳/۱ میدانونو په توپیر خپلې سیالې لوبډلې ته ماتې ورکړي او اتلولي په خپل نوم کړي.
د سیالۍ په پای کې د ورزش امریت له لوری غوره لوبډلې ته کپ او غوره لوبغاړو ته ستاینلیکونه ورکړل شو.
