غور؛ په فيروزکوه ښار کې د ۴۰ ورزشکارانو ترمنځ د لاس چپه کولو سيالۍ ترسره شوې
د غور ولايت د بدني روزنې او ورزش آمريت لوري د فيروزکوه ښار په مرکزي جمنازيوم کې د ۴۰ ورزشکارانو ترمنځ د لاس چپه کولو سيالۍ ترسره شوې.
دغه سیالۍ، چې د ورزشکارانو ترمنځ د سالمې ملگرتيا او يووالي په موخه ترسره شوې، په پايله کې خيرالدين احمدي لومړی، پرويز دهقان دويم او عبدالله رحماني بيا درېيم مقام ترلاسه کړ.
یادونې وړ ده، چې دغو سياليو يوه ورځ دوام وکړ او په پای کې غوره ورزشکارانو ته مډالونه، ستاينليکونه او ورزشي توکي ورکړل شول.
