فاریاب؛ قیصار ولسوالۍ کې د ۱۶ ورزشکارانو ترمنځ د کیکبکسنګ لومړی پړاو سیالۍ ترسره شوې
د فاریاب ولایت د بدني روزنې او ورزش امریت اړوند د کیکبکسنګ ملي فدراسیون د استازولۍ له لوري د یاد ولایت د قیصار ولسوالۍ په طلایي اتلانو تمریناتي کمپ کې د ۱۶ ورزشکارانو ترمنځ د نوي ځوانانو او ځوانانو په عمري کټګورۍ د کیکبکسنګ لومړی پړاو سیالۍ ترسره شوې.
د دغو سیالیو په پایله کې اته ورزشکاران، چې څلور ورزشکاران د نوي ځوانانو له کټګورۍ او څلور ورزشکاران د ځوانانو له کټګورۍ د فاریاب ولایت کیکبکسنګ فروفشنل اتم پړاو سیالیو ته وټاکل شوه.
د یادو سیالیو موخه د فاریاب ولایت کیکبکسنګ فروفشنل اتم پړاو سیالیو ته د غوره لوبغاړو موندل و.
د سیالیو په پای کې غوره ورزشکارانو ته مډالونه او د اتلولۍ حکمونه ورکړل شوه.
